"Allir" ósammála

Við í vinnunni tölum stundum um jólin þessa dagana eins og gengur og gerist. Um daginn bárust í tal mismundandi jólahefðir og meðal annars í sambandi við mat, hvort fólk væri alltaf með það sama í matinn á Aðfangadag og hvað það væri og þess háttar. Ég sagði eins og var að alltaf þegar ég fengi að ráða borðaði ég léttreyktan lambahrygg á Aðfangadagskvöld. Samstarfskona mín, sem er með 6 manna fjölskyldu, sagði hins vegar "sko það er alltaf tvíréttað hjá mér á Aðfangadagskvöld, það eru nefnilega allir svo ósammála um hvað er best, sko ég vil svín en allir hinir vilja lamb..."

 

Athugasemdir

[Ólína Kristín (IP-tala skráð) 15.12.2007 kl. 17:21]

Til hamingju með daginn í dag Hanna og takk fyrir að vera svona dugleg að blogga

Það er nú alltaf tvíréttað hjá okkur... pabbi vildi lamb og systur mínar svín svo að það hefur haldist í áratugi að hafa bæði.  Sjálf er ég hrifnari af léttreykta lambahryggnum, með brúnuðum kartöflum, steiktu hvítkáli og sveppapiparsósu.... nammi namm.. og svo heimatilbúinn ís á eftir með brjóstsykri í í staðinn fyrir möndlu... hvað getur það verið betra   

það væri nú gaman að heyra frá fleirum hvað er í matinn og hvort það hefur verið það sama síðustu áratugina

[Ólína Kristín (IP-tala skráð) 15.12.2007 kl. 17:35]

bara ég aftur....

heyrði í mömmu og hún sagði að það hefði alltaf verið léttreyktur lambahryggur í þeirra búskap... systur mínar komu svo með svínið inn eftir að við fluttum suður ´88.  Það má til gamans geta þess að Snæbjörn afi á Stað reykti hrygginn alltaf fyrir þau fyrst