Styttist í fund

Jæja kæru félagar, þá er nýja árið komið og það styttist í fundinn okkar góða.

Við í stjórninni ætlum að hittast í næstu viku 10.jan og hita okkur upp fyrir fundinn viku síðar. Nefnilega 17.janúar ætlið þið að koma í Konnakot og tjá skoðanir ykkar og hlusta á skoðanir annarra í sambandi við framtíð Barðstrendingafélagsins. Við erum að sjálfsögðu ekki að tala um hvort við eigum að leggja það niður eða eitthvað í þá áttina, heldur erum við að tala um í hvaða mynd við viljum hafa það og eins og ég hef áður sagt var uppsprettan að þessum fundi sú spurning hvort Kvennadeildin ætti að vera rekin sem sér félag eða sem fjáröflunardeild innan Barðstrendingafélagsins.

Svo ég fái mér nú forskot á sæluna þá segji ég fyrir mína parta að ég myndi vilja að þetta yrði fjáröflunardeild innan félagsins. Það þarf ekkert að breytast í raun nema það að þá er væri deildin rekin undir félaginu og að þá væri það Barðstrendingafélagið sem væri að gefa gjafirnar en ekki bara Kvennadeildin. Ég hef heyrt þau rök að gjafirnar séu hvort sem er frá félaginu þó að Kvennadeildin sé skrifuð fyrir þeim af því að karlarnir séu að gera helling líka. Mér finnst hins vegar að þessi rök séu einmitt rök til að breyta þessu. Ef að einhver les einhversstaðar að Kvennadeild Barðstrendingafélagasins hafi gefið eitthvað, hver fær þá heiðurinn? Jú, auðvitað konurnar. En hvað með alla karlana sem hjálpuðu til? Þeir hafa jafnvel gert meira og mikið meira en margar konurnar og það er ekki sjálfgefið að allir bara viti að þeir séu innan þessa hóps sem Kvennadeildin er. Þvert á móti heldur fólk að það séu bara konurnar að gefa gjöfina.

En þetta er nú bara mín skoðun og bara ein hlið á minni skoðun og var sett fram í þeim tilgangi að hita ykkur upp og hvetja ykkur til að mæta á félagsfundinn okkar 17.janúar.

Hlakka til að sjá ykkur

kveðja, Hanna Dalkvist 

Athugasemdir

[Ólína Kristín Jónsdóttir (IP-tala skráð) 7.1.2007 kl. 13:09]

Er alveg sammála.  Af því að við erum nú ekki í stærra félagi en þetta, þá er hálf skrýtið að vera að reka tvö félög í sama félaginu.

Svo líka með að "gamla fólkið" er að fara í sér ferðir í boði Kvennadeildir.  Ég myndi vilja að allir færu saman í ferðir (eins og er reyndar í ágúst en þá þurfa allir að borga), það væri sjálfsagt að fjáröflunardeildin borgaði fyrir þá sem eldri eru og þeir yngri borguðu sjálfir, það þarf nú ekki að vera flókið.  Mér finnst allavega hundleiðinlegt að vera útilokuð úr jónsmessuferðinni og sumardagsfyrstakaffinu (sem er reyndar ekki lengur á sumardaginn fyrsta heldur þar í kring eitthvað) bara af því að ég er ekki nema 31.  Ég held að "gamla fólkinu" leiðist ekkert að hafa yngra fólkið með.

Og svo mætti lengja telja... en ég er hætt í bili.  Óska ykkur öllum gleðilegs árs með kærri þökk fyrir góðar stundir á árinu sem var að líða.  Hlakka til að hitta ykkur 17. janúar.

Og takk Hanna, fyrir hvað þú ert dugleg að halda úti þessari síðu :o)

[Sveinn Þórarinsson (IP-tala skráð) 9.1.2007 kl. 09:11]

Flott hjá þér Hanna. Jafnrétti fyrir alla.

kv Sveinn Þórarinsson